ირაკლი ღარიბაშვილის საქმიანობა პრემიერმინისტრის პოსტზე იყო წარმატებული, ეს ეხება როგორც საგარეო, ისე საშინაო პოლიტიკის თემებს, – ამის შესახებ პარლამენტის პირველმა ვიცესპიკერმა, გია ვოლსკიმ განაცხადა.
“პრაქტიკულად, მიმართულება არ არის დარჩენილი, სადაც საკმაოდ სერიოზული შედეგი არ არის დადებული. რა საკვირველია, ირაკლი კობახიძეზეც უნდა ითქვას ის, რომ ის არა თუ შორს არ არის მართვის გარკვეული მიმართულებების ასპექტებისგან, არამედ ჩართული იყო და ყველა საკითხი პრაქტიკულად პრემიერმინისტრსა და პარტიის ლიდერს შორის არის განხილული”,- აღნიშნა ვოლსკიმ.
ცნობისთვის, ირაკლი ღარიბაშვილმა საქართველოს პრემიერმინისტრის თანამდებობა დატოვა. ამის შესახებ მან გუშინ, მთავრობის ადმინისტრაციაში გამართულ ბრიფინგზე განაცხადა.
კომენტარები