“ქართული ოცნების“ აღმასრულებელი მდივანი, მამუკა მდინარაძე „ნაციონალური მოძრაობის“ ერთ-ერთი ლიდერის, გია ბარამიძის განცხადებას გამოეხმაურა, რომლის მიხედვითაც, „ნაცმოძრაობა“ გიორგი გახარიას პარტიასთან სამომავლოდ კი არა, დღესაც თანამშრომლობს.
“ვერ წარმოვიდგენდი, რომ ცხოვრებაში გია ბარამიძეს დავეთანხმებოდი, მაგრამ წამოსცდა იმ კაცს სიმართლე ან შეგნებულად თქვა, რომ „გახარიები“ არიან მათთან კოალიციაში.
ამ დროს ყოფნით იმის ძალა, ამჟამად „ნაციონალურ მოძრაობასთან“ კოალიციაში მყოფ „გახარიებს“, რომ თქვან: „ჩვენ არ დავუშვებთ, რომ მათთან ოდესმე კოალიციაში ვიყოთ“. პარადოქსიც აღარ არის. დღეს კოალიციაში ერთად არიან და ამბობენ – მათთან კოალიცია წითელ ხაზად მიგვაჩნია. წარმოუდგენელი ამბავია. ეს რა ტაქტიკაა, პიარის ულტრათანამედროვე სტრატეგიაა, რომ შეგიძლია, ამ ტრიბუნასთან იდგე და იძახო: „ახლა აქ არ ვარ“. მე მგონია, რომ რაღაც პოლიტიკურ უფსკრულში მიექანებიან ამ ყველაფრით“, – განაცხადა მდინარაძემ.