ევროკომისიის პრეზიდენტმა, ურსულა ფონ დერ ლაიენმა მხარი დაუჭირა პოლონელ ფერმერებს. ინფორმაციას ამის შესახებ უკრაინული მედია ავრცელებს.
ურსულა ფონ დერ ლაიენის თქმით, საჭიროა პოლონეთის საზღვრის განტვირთვა.
“ევროპა მხარს უჭერს პოლონელ ფერმერებს. ჩვენ ასევე მხარს ვუჭერთ უკრაინის ექსპორტის გაზრდას შავი ზღვის გავლით, რათა შევამსუბუქოთ ზეწოლა პოლონეთის სახმელეთო საზღვარზე”, – აღნიშნა ევროკომისიის პრეზიდენტმა.
პოლონელი ფერმერები უკრაინის მარცვლეულისა და სოფლის მეურნეობის პროდუქციის იმპორტს და უკრაინელი გადამზიდებისთვის დაწესებულ საბაჟო შეღავათებს აპროტესტებენ. ვოლოდიმირ ზელენსკი მიიჩნევს, რომ ფერმერების პროტესტს პოლიტიკური სარჩული აქვს.
კომენტარები