გაეროს გენერალურმა მდივანმა, ანტონიო გუტერეშმა განაცხადა, რომ რუსეთის აგრესია პირდაპირ არღვევს გაეროს წესდებასა და საერთაშორისო სამართალს.
“ორი წლის შემდეგ – და ათი წლის შემდეგ, რაც რუსეთის მიერ ყირიმისა და ქალაქ სევასტოპოლის უკანონო ანექსია მოხდა – უკრაინაში ომი ღია ჭრილობად რჩება ევროპის შუაგულში”, – აღნიშნა გაეროს გენერალურმა მდივანმა.
“მშვიდობის დროა – სამართლიანი მშვიდობა, რომელიც ეფუძნება გაეროს წესდებას, საერთაშორისო სამართალსა და გენერალური ასამბლეის რეზოლუციებს”, – დასძინა მან.
გენერალურმა მდივანმა ასევე განაცხადა, რომ ყველა დამნაშავემ უნდა აგოს პასუხი წამებისა და სექსუალური ძალადობისთვის სამოქალაქო პირებსა და პატიმრებზე.
კომენტარები