„დიდი შვიდეულის“ საგარეო საქმეთა მინისტრები ირანისთვის სანქციების გაფართოებაზე მსჯელობენ. იტალიაში მიმდინარე სამიტზე საგარეო და უსაფრთხოების საკითხებში ევროკავშირის უმაღლესმა კომისარმა აღნიშნა, რომ საჭიროა თეირანის წინააღმდეგ სანქციების სისტემის გაუმჯობესება და მისი ეფექტიანობის გაზრდა.
ჟოზეფ ბორელმა ასევე აღნიშნა, რომ ახლო აღმოსავლეთი ფართომასშტაბიანი ომის დაწყების ზღვარზეა და ისრაელმა სამხედრო რეაგირებისგან თავი უნდა შეიკავოს.
ირანისთვის საპასუხო დარტყმების მიყენებისგან თავშეკავებას ურჩევს ისრაელს გერმანიის საგარეო საქმეთა მინისტრიც. თუმცა ანალენა ბერბოკი აღნიშნავს რომ ისრაელზე ირანის უპრეცედენტო თავდასხმას, სათანადო რეაგირება აუცილებლად მოჰყვება.
კომენტარები