ეკონომიკაში, ენერგეტიკა ჩვენი ერთ-ერთი უმთავრესი პრიორიტეტია, – ამის შესახებ პირველმა ვიცე-პრემიერმა, ეკონომიკის მინისტრმა, ლევან დავითაშვილმა „დღის ქრონიკაში“ განაცხადა.
„ჩვენ ძალიან ბევრი მიმართულებით გავააქტიურეთ მუშაობა მათ შორის კერძო სექტორთან დიალოგის რეჟიმში, ასევე ამ პროცესში ჩართულია საფინანსო ინსტიტუტები იმისთვის, რომ ენერგეტიკული სექტორისთვის მოხდეს დაფინანსების უფრო მარტივად მიღება. დიალოგის პროცესში ჩვენ ძალიან ბევრი კრიტიკული და პრიორიტეტული საკითხი გამოვკვეთეთ, რომელზეც კერძო სექტორთან ერთად ერთობლივად ვმუშაობთ.
შემოვიღეთ მხარდაჭერის ახალი მექანიზმები, რომელიც დეველოპერებს საშუალებას აძლევს, რომ პროექტები უფრო მარტივად განახორციელონ. ვმსჯელობთ ძალიან მნიშვნელოვან, ახალ ინიციატივებზე, რომელიც უახლოეს ხანებში კანონმდებლობაში გადაითარგმნება და სამინისტრო აქტიურად მუშაობს ამ საკითხზე, რომ გამარტივდეს პროცესები ინვესტორებისა და დეველოპერებისთვის. ერთ-ერთი მიმართულება არის კომუნიკაცია მოსახლეობასთან. ვმუშაობთ ენერგეტიკის სფეროში მომუშავე სხვადასხვა გაერთიანებასთან, განახლებადი ენერგიებისასოციაციასთან იმისთვის, რომ ახლებური მექანიზმი უფრო მეტად მამოტივირებულიიყოს ადგილობრივი მოსახლეობისთვის, რომ იქ გაჩნდეს ენერგო ობიექტები. საუბარია იმაზე, რომ კონკრეტულ მუნიციპალიტეტში იმ თემებმა მეტი შემოსავალი მიიღონ ენერგოპროექტების განვითარებით, ვიდრე მთლიანად მუნიციპალიტეტში შევა ქონების გადასახადის სახით“, – აღნიშნა ლევან დავითაშვილმა.