პოლიციამ აქციის მონაწილეების წინააღმდეგ წყლის ჭავლი კიდევ ერთხელ გამოიყენა. დემონსტრანტებმა გზის სავალი ნაწილი სხვადასხვა საგნით ჩახერგეს. წყლის ჭავლი აქციაზე დაახლოებით 2 საათის წინაც გამოიყენეს რასაც წინ უძღოდა დემონსტრანტებს და სამართალდამცველებს შორის ფიზიკური დაპირისპირება.
აქციის მონაწილეთა ნაწილმა იუსტიციის სახლის მიმდებარედ გადაინაცვლა, სადაც ასევე გზა გადაკეტა.
დღეს შსს-მ განცხადება გაავრცელა, სადაც ნათქვამია, რომ აქცია სრულად გასცდა მანიფესტაციის ფარგლებს, გახდა ძალადობრივი და საზოგადოებრივი წესრიგის აღდგენის მიზნით, შსს იწყებს კანონმდებლობით გათვალისწინებულ ღონისძიებებს.
კომენტარები