რეგიონული თანამშრომლობის კონტექსტი ძალიან მნიშვნელოვანია თურქეთ-საქართველოს ურთიერთობებში, – ამის შესახებ თურქეთის პრეზიდენტმა რეჯეფ თაიფ ერდოღანმა საქართველოს პრემიერ-მინისტრ ირაკლი კობახიძესთან ერთობლივ ბრიფინგზე განაცხადა.
მან ორ ქვეყანას შორის თანამშრომლობის საკითხები მიმოიხილა.
“გასულ წელს ჩვენ 3 მილიარდი დოლარს მივაღწიეთ ორმხრივი ვაჭრობის კონტექსტში. ჩვენ დავუთქვით ერთმანეთს, რომ ახალი სამიზნე ორიენტირი 5 მილიარდი იქნება. მიმაჩნია, რომ ჩვენ გაგვაჩნია იმის პოტენციალი, რომ ძალიან მალე ამ ნიშნულს მივუახლოვდეთ და ჩვენი ბიზნეს შესაძლებლობები ავითვისოთ სრულად. რეგიონული თანამშრომლობის კონტექსტი ძალიან მნიშვნელოვანია თურქეთ-საქართველოს ურთიერთობებში. განვაგრძობთ ძალისხმევის განხორციელებას ბაქო-თბილისი-ყარსის რკინიგზის პროექტის ამოქმედებაში, რომელიც არის “შუა დერეფნის” ხერხემალი და ისტორიული აბრეშუმის გზის გამოცოცხლება და იმედი მაქვს, რომ ძალიან მალე ფუნქციონირებადი გახდება”, – განაცხადა თურქეთის პრეზიდენტმა,
მან ასევე აღნიშნა, რომ მხარეებმა დაუდასტურეს ერთმანეთს მზაობა, სხვა სატრანსპორტო და ენერგეტიკულ პროექტებზეც იმუშაონ იგივე წარმატებით.
“ბატონ პრემიერ-მინისტრს განვუცხადე, რომ მზად ვართ, საქართველოს უმსხვილეს პროექტებში მივიღოთ მონაწილეობა – აეროპორტის, პორტების მშენებლობაში, ენერგეტიკის მიმართულებით, გადამცემი ხაზების მშენებლობაშიც”, – განაცხადა რეჯეფ თაიფ ერდოღანმა.