რამდენიმე წუთის წინ თბილისში ამინდი მკვეთრად შეიცვალა. ძლიერ ქარიშხალს ჯერ წვიმა, შემდეგ კი სეტყვა მოჰყვა.
გარემოს ეროვნული საგენტო ამინდის გაუარესების შესახებ მოსახლეობას აფრთხილებს.
“უახლოესი რამდენიმე საათის განმავლობაში აღმოსავლეთ საქართველოში: თბილისში, შიდა ქართლში, ქვემო ქართლში, მცხეთა მთიანეთში, კახეთის ცალკეულ რაიონებში მოსალოდნელია ძლიერი ნალექი, ელჭექი, სეტყვა და ქარის გაძლიერება.
მოსალოდნელმა ძლიერმა ნალექმა შესაძლებელია მდინარეებზე წყლის დონის მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ- ღვარცოფული პროცესების ჩასახვა- გააქტიურება გამოიწვიოს,” – ნათქვამია გამოქვეყნებულ ინფორმაციაში
კომენტარები