სამხრეთ აფრიკის პარლამენტმა პრეზიდენტის თანამდებობაზე კვლავ სირილ რამაფოსა აირჩია. ამის შესახებ BBC იტყობინება.
ახალი სამთავრობო კოალიცია, რომელმაც რამაფოსას არჩევას დაუჭირა მხარი, აერთიანებს „აფრიკის ეროვნულ კონგრესს“, „დემოკრატიულ ალიანსს“ და რამდენიმე მცირე პარტიას.
71 წლის რამაფოსას განცხადებით, ამომრჩევლები ელოდებიან, რომ ახალი სამთავრობო კოალიციის ლიდერები ერთად იმუშავებენ თითოეული მოქალაქის ინტერესებში.
საპარლამენტო არჩევნებში „აფრიკის ეროვნულმა კონგრესმა“ ბოლო 30 წელიწადში პირველად საპარლამენტო უმრავლესობა დაკარგა და მხოლოდ ხმათა 40% მიიღო. მეორე ადგილზე 22%-ით „დემოკრატიული ალიანსი“ გავიდა.
სირილ რამაფოსა სამხრეთ აფრიკის პრეზიდენტის თანამდებობას 2018 წლიდან იკავებს.
კომენტარები