ოპოზიციის სპეკულაცია ტრაგედიით – ჯგუფური ძალადობისთვის დაკავებული ონისე ცხადაძის ძმა სანდრო ცხადაძე ფონიჭალაში გუშინ მომხდარ ტრაგედიას უკრაინაში არსებულ ვითარებას ადარებს.
„ერთი კორპუსი აფეთქდა უბედური შემთხვევის შედეგად და უკრაინაში ექვსი წელია, ტერორისტი დამიზნებით ესვრის საცხოვრებელ კორპუსებს, იქაური მაშველები ზუსტად ისეთივე ტკბილ-მწარე ემოციებით მუშაობენ”, – თქვა სანდრო ცხადაძემ ერთ-ერთი ტელევიზიის ეთერში.
19 ნოემბერს, ქვემო ფონიჭალაში, საცხოვრებელ კორპუსში მომხდარ აფეთქებას 6 ადამიანის სიცოცხლე ემსხვერპლა.
მაშველებმა ნანგრევებიდან უვნებლად ამოიყვანეს 3 წლის გოგონა.
საცხოვრებელი კორპუსის ნგრევის შედეგად დაღუპულთა ხსოვნის პატივსაცემად, 2026 წლის 22 ნოემბერი საქართველოში გლოვის დღედ გამოცხადდა.
კომენტარები
