დონალდ ტრამპის თქმით, დემოკრატებმა ამ დრომდე ვერ გადაწყვიტეს, მათი პარტიიდან რომელი კანდიდატი უფრო შეუფერებელი იქნება პრეზიდენტობისთვის. ამის შესახებ BBC წერს.
გამოცემის ინფორმაციით, შესაბამისი განცხადება ტრამპმა ფლორიდაში, ამომრჩეველთან სიტყვით გამოსვლისას გააკეთა. ყოფილმა პრეზიდენტმა აღნიშნა, რომ 27 ივნისის საპრეზიდენტო დებატებში ისეთი გამარჯვება მოიპოვა, რომ დემოკრატები იძულებულნი გახდნენ ჯო ბაიდენს საპრეზიდენტო არჩევნებში კანდიდატურის მოხსნა სთხოვონ.
ამასთან ტრამპმა ბაიდენი მორიგ დებატებში გამოიწვია, რომლებიც მისი აზრით, ამჯერად მოდერატორების გარეშე უნდა გაიმართოს.
ყოფილმა პრეზიდენტმა ჩრდილო-ატლანტიკურ ალიანსზეც ისაუბრა და კიდევ ერთხელ გაიმეორა, რომ ალიანსის იმ წევრებს, რომლებიც თავდაცვაზე საკმარის თანხას არ ხარჯავენ, რუსეთისგან არ დაიცავს.