მიუხედავად იმისა, რომ ოპოზიციას ერთი იდეოლოგიური ბაზა აქვს და არიან „ნაცმოძრაობის“ მავნე პოლიტიკური და იდეოლოგიური კლასტერის წევრები, მათ შორის წინააღმდეგობა ხშირად გადაულახავია, – ამის შესახებ საპარლამენტო უმრავლესობის წევრმა, ირაკლი ქადაგიშვილმა განაცხადა.
მისივე თქმით, სწორედ ამიტომ ხდება ამ პარტიის დაშლა, მიუხედავად იმისა, რომ ერთი და იგივე შინაარსი აერთიანებთ.
„მთავარი რაოდენობა კი არ არის და ვინ ვისთან ერთიანდება, მთავარია, ეს დაშლა ან გაერთიანება ზრდის თუ არა ამომრჩევლის რაოდენობას ამა თუ იმ ძალისთვის. ყველა ეს გადაჯგუფება არის ის ცნობილი ფორმულა, რასაც ჰქვია – შესაკრებთა გადანაცვლებით ჯამი არ იცვლება. მათი ამომრჩევლის რაოდენობა არ იცვლება და იმ მაქსიმუმს არ გასცდება, რაც „ნაცმოძრაობას“ ჰქონდა“, – განაცხადა ირაკლი ქადაგიშვილმა.
კომენტარები