ისრაელის პრემიერ-მინისტრი ვაშინგტონში გაემგზავრა. ამერიკის შეერთებულ შტატებში ოფიციალური ვიზიტის ფარგლებში ბენიამინ ნეთანიაჰუ თეთრი სახლის ლიდერს, ჯო ბაიდენს შეხვდება და კონგრესში სიტყვით გამოვა. ამის შესახებ Reuters-ი წერს.
გამოცემის ინფორმაციით, ვაშინგტონში გაფრენამდე კი ისრაელის პრემიერ-მინისტრმა განაცხადა, რომ ისრაელი რეგიონში ამერიკის შეერთებული შტატების მტკიცე მოკავშირედ დარჩება, იმის მიუხედავად, თუ ვის აირჩევენ ნოემბრის საპრეზიდენტო არჩევნებში.
„ომისა და გაურკვევლობის დროს მნიშვნელოვანია, ისრაელის მტრებმა იცოდნენ, რომ ამერიკა და ისრაელი ერთად დგანან – დღეს, ხვალ და ყოველთვის“, – აღნიშნა ნეთანიაჰუმ.
როგორც ნეთანიაჰუმ აღნიშნა, პირისპირ შეხვედრის დროს ბაიდენს მადლობას გადაუხდის იმ ყველაფრისთვის, რაც თეთრი სახლის ლიდერმა თავისი კარიერის განმავლობაში ისრაელისთვის გააკეთა.