საფრანგეთის ჩქაროსნული სარკინიგზო ქსელი ჩვეულ რეჟიმში მუშაობას ორშაბათიდან დაუბრუნდება. ამის შესახებ განცხადება ქვეყნის ტრანსპორტის მინისტრმა გააკეთა. საფრანგეთის რკინიგზის ეროვნულ კომპანიაში კი განაცხადეს, რომ პარასკევს შეფერხებების გამო 250 000 მგზავრი დაზარალდა.
პარიზის ოლიმპიური თამაშების გახსნამდე რამდენიმე საათით ადრე, საფრანგეთის ჩქაროსნულ სარკინიგზო ქსელზე რამდენიმე თავდასხმა განხორციელდა. საფრანგეთის რკინიგზის ეროვნული კომპანიის ცნობით, კომპანიის ობიექტებს ცეცხლი განზრახ წაუკიდეს. მომხდარზე გამოძიება მიმდინარეობს.
კომენტარები