დიდი ბრიტანეთის მეფის სახელმწიფო ვახშამი ფრანგებს თითქმის 500 000 ევრო დაუჯდა. ამის შესახებ ინფორმაციას Politico ავრცელებს.
როგორც Politico-ს სტატიაშია აღნიშნული, გაერთიანებული სამეფოს მეფე ჩარლზ III-ისთვის თითქმის 475 000 ევრო ღირებულმა ვახშამმა საფრანგეთის ელისეს სასახლე – პრეზიდენტი ემანუელ მაკრონის ოფისი – გასულ წელს რეკორდულად მაღალ დეფიციტამდე მიიყვანა.
სტატიის ავტორის თქმით, საფრანგეთის სიყვარული გრანდიოზული ჟესტებისა და მდიდრული სადილებისადმი სრულად დასტურდება ელისეს ბიუჯეტის ყოველწლიური აუდიტის ვებგვერდებზე არსებული ინფორმაციით, რომელიც ორშაბათს Cour des Comptes-ს (საფრანგეთის უმაღლესი აუდიტის სასამართლოს) მიერ გამოქვეყნდა.
Politico-ს ინფორმაციით. ელისეს სასახლის ხარჯებმა, რომელიც მოიცავს პრეზიდენტის დიპლომატიურ და საპრეზიდენტო მოვალეობებთან დაკავშირებულ ხარჯებს, ასევე ადმინისტრაციას, პერსონალს, დაცვას და ქონების მართვას, 125 მილიონ ევროს მიაღწია.