თუ ყველას სურს რუსეთის ხილვა მოლაპარაკების მაგიდასთან, მაშინ ჩვენ ამის წინააღმდეგი ვერ ვიქნებით, – განაცხადაუკრაინის პრეზიდენტმა, ვოლოდიმირ ზელენსკიმ ფრანგულ გაზეთ Libération-თან ინტერვიუში.
კითხვაზე – თქვენ განაცხადეთ, რომ უკრაინა ნოემბრის ბოლომდე შეიმუშავებს მშვიდობის სამოქმედო გეგმას. შეიცვალა თუ არა რუსეთთან მოლაპარაკებების დაწყების პირობები? – ვოლოდიმირ ზელენსკიმ უპასუხა:
პირველ სამშვიდობო სამიტზე წარმოდგენილ ფორმულაზე დაყრდნობით შევიმუშავებთ გეგმას. მე მოვითხოვე, რომ ნოემბრის ბოლომდე ყველა დოკუმენტი მზად იყოს და ყველაფერი შევიდეს ამ დოკუმენტში: [უკრაინის] სუვერენიტეტი და ტერიტორიული მთლიანობა. მე მივიჩნევ, როგორც ქვეყნების უმეტესობა, რომ მეორე სამიტს რუსეთის წარმომადგენლები უნდა დაესწრონ. თუ ყველას სურს რუსეთის ხილვა მოლაპარაკების მაგიდასთან, მაშინ ჩვენ ამის წინააღმდეგი ვერ ვიქნებით. და იქნება ჩვენი პირობები. ეს არ ნიშნავს, რომ ზუსტად ამ მომენტში ჩვენ დავიბრუნებთ 1991 წლის [მდგომარეობით] ჩვენს საზღვრებს, მაგრამ მე მივიჩნევ, რომ უკრაინისათვის სამართლიანი მშვიდობა ნიშნავს ჩვენი ტერიტორიული მთლიანობის აღდგენას, მაგრამ ეს არ ნიშნავს იმას, რომ ჩვენ ეს უნდა გავაკეთოთ მხოლოდ იარაღით. დღეს ჩვენ ფრონტზე ვართ მანამ, სანამ რუსეთს ომი უნდა. გვექნება გეგმა, გვექნება ძლიერი პოზიცია და ქვეყნების უმრავლესობა [ამას] დათანხმდება. მაშინ ჩვენ შევძლებთ გადავწყვიტოთ ეს საკითხები დიპლომატიური გზით, თუ რუსეთს სურს.