ის, რითაც ამდენი ხანი საკუთარ ამომრჩეველს ატყუებდნენ, უკვე სააშკარაოა, – ამის შესახებ საქართველოს პარლამენტის თავმჯდომარის მოადგილე ნინო წილოსანმა ჟურნალისტებთან საუბრისას ხაზარაძე-ჯაფარიძის საქმეზე განაცხადა.
მისივე თქმით, რაც მთავარია, მათ იქეთ დააკისრა არბიტრაჟმა 650 ათასი დოლარის ოდენობის გადასახადი იმ ხარჯებისთვის, რომელიც სახელმწიფომ ამ დავაში მონაწილეობისთვის გასწია.
„საინტერესოა ასევე მათი მავნებლური გეგმა – რომ გაემარჯვა ამ პარტიას და რამენაირად მოეტყუებინა საარბიტრაჟო სასამართლო, სახელმწიფოს უდიდეს ეკონომიკურ ზიანს, მილიარდ-ნახევარს სთხოვდა, რაც ჩვენი იმდროინდელი ბიუჯეტის მეოთხედს წარმოადგენდა.
წარმოუდგენელია, იმ პირობებში, როდესაც ანაკლიის პროექტში მათ რამდენიმე, შეიძლება ერთი ათეული მილიონი დოლარი ჰქონდათ დახარჯული, ამ პირობებში მილიარდ-ნახევრის მოთხოვნა პირდაპირ მიზნობრიობას ატარებს, რომ სახელმწიფო ეკონომიკურად გაანადგუროს“, – აღნიშნა ნინო წილოსანმა.