აშშ-ის სავარაუდო პრეზიდენტობის კანდიდატი „დემოკრატიული“ პარტიიდან კამალა ჰარისი ვიცე-პრეზიდენტობის კანდიდატს სამშაბათს, 6 აგვისტოს წარადგენს. ინფორმაციას ამის შესახებ Politico ავრცელებს.
გამოცემის ცნობით, ჰარისი უკვე ამთავრებს გასაუბრებებს ვიცე-პრეზიდენტობის სავარაუდო კანდიდატებთან და შემდეგი 24 საათის განმავლობაში თავის გადაწყვეტილებას ამომრჩევლებს გააცნობს.
სავარაუდოდ, ეს ვიდეო მიმართვის დროს მოხდება, როგორც თავის დროზე 2020 წელს ეს ამერიკის პრეზიდენტმა ჯო ბაიდენმა გააკეთა, როცა თავად ჰარისი წარადგინა კანდიდატად.
ვიცე-პრეზიდენტის პოსტზე მთავარ პრეტენდენტებად განიხილებიან არიზონას გუბერნატორი მარკ კელი, პენსილვანიის გუბერნატორი ჯოშ შაპირო და მინესოტას გუბერნატორი ტიმ უოლცი. ჰარისმა მათთან უკვე ჩაატარა გასაუბრება.
გარდა ამისა, Politico ვარაუდობს, რომ ვიცე-პრეზიდენტობის კანდიდატად ჰარისმა შესაძლოა დაასახელოს კენტუკის გუბერნატორი ენდი ბეშირი, ქვეყნის ტრანსპორტის მინისტრი პიტ ბუტიჯიჯი, ან ილინოისის გუბერნატორი ჯეი რობერტ პრიტცკერი.