ერაყში, „ალ-ასადის“ საავიაციო ბაზაზე სარაკეტო თავდასხმის შედეგად რამდენიმე ამერიკელი სამხედრო დაშავდა. ინფორმაციას ამის შესახებ ტელეკომპანია CNN-ი ავრცელებს.
„ჩვენ შეგვიძლია დავადასტუროთ, რომ ერაყში, „ალ-ასადის“ საავიაციო ბაზაზე დღეს სავარაუდო სარაკეტო თავდასხმა მოხდა აშშ-ისა და კოალიციის ძალების წინააღმდეგ. პირველადი მონაცემებით, დაშავდა რამდენიმე ამერიკელი სამხედრო. ბაზის პერსონალი ახორციელებს თავდასხმის შედეგად მიყენებული ზიანის შეფასებას“, – განუცხადა CNN-ს თავდაცვის დეპარტამნენტის ოფიციალურმა პირმა.
მიუხედავად იმისა, რომ გაურკვეველია, ვინ განახორციელა სარაკეტო თავდასხმა, აშშ-ის ოფიციალური პირები დიდი ხანია ადანაშაულებენ ერაყსა და სირიაში ამერიკულ ჯარებზე თავდასხმებში ირანის მიერ მხარდაჭერილ ჯგუფებს.
კომენტარები