ირანის პრეზიდენტმა, მასუდ პეზეშკიანმა ქვეყნის უზენაეს ლიდერს, აიათოლა ალი ხამენეის სთხოვა, თავი შეიკავოს ისრაელზე თავდასხმისგან. ინფორმაციას ამის შესახენ გამოცემა Iran International-ი ავრეცელებს.
როგორც გამოცემა წყაროებზე დაყრდნობით იუწყება, ხამენეისთან ბოლოდროინდელ შეხვედრაზე, ირანის პრეზიდენტმა ხამენეის მოუწოდა, თავიდან აიცილონ პირდაპირი თავდასხმა ისრაელზე, რათა დაძაბულობის ესკალაცია არასასურველ ომში არ გადაიზარდოს.
პეზეშკიანის თქმით, ამ პოტენციურმა კონფლიქტმა შეიძლება სერიოზულად შეაფერხოს მისი პრეზიდენტობა და გამოიწვიოს მნიშვნელოვანი პრობლემები.
პეზეშკიანმა გააფრთხილა, რომ ისრაელის გადაწყვეტილებამ მკაცრი საპასუხო თავდასხმა განახორციელოს ირანის ინფრასტრუქტურასა და ენერგორესურსებზე, შეიძლება დააზიანოს ირანის ეკონომიკა და პოტენციურად გამოიწვიოს ქვეყნის კოლაფსი.