აშშ-მა ირანი გააფრთხილა, რომ მისმა მთავრობამ და ეკონომიკამ შეიძლება დამანგრეველი დარტყმა განიცადოს, თუ ის მასშტაბურ თავდასხმას განახორციელებს ისრაელის წინააღმდეგ. ინფორმაციას ამის შესახებ გამოცემა The Wall Street Journal-ი ოფიციალურ ამერიკულ წყაროზე დაყრდნობით ავრცელებს.
ოფიციალური წყაროს განცხადებით, ვაშინგტონმა თეირანს აღნიშნული მესიჯი როგორც პირდაპირ, ასევე შუამავლების მეშვეობით გადასცა.
„აშშ-მა ირანს გაუგზავნა მკაფიო მესიჯი, რომ ისრაელის წინააღმდეგ მნიშვნელოვანი საპასუხო თავდასხმის შემთხვევაში, სერიოზული ესკალაციის რისკი ძალიან მაღალია“, – აღნიშნა წყარომ.
„ვაშინგტონმა ასევე შეატყობინა თეირანს, რომ რომ ირანის ეკონომიკისა და მისი ახლად არჩეული მთავრობის სტაბილურობისთვის სერიოზული რისკი არსებობს, თუ ის ამ გზით წავა“, – დასძინა წყარომ.
კომენტარები