ბრაზილიის პრეზიდენტმა, ლულა და სილვამ განაცხადა, რომ სან-პაულუს შტატში სამგზავრო თვითმფრინავის ჩამოვარდნის შედეგად ბორტზე მყოფი 62-ვე ადამიანი დაიღუპა.
„ძალიან სამწუხარო ამბავი. ჩემი სოლიდარობა დაღუპულთა ოჯახის წევრებსა და მეგობრებს“, – აღნიშნა ლულა და სილვამ.
თვითმფრინავი, რომელშიც 58 მგზავრი და ეკიპაჟის ოთხი წევრი იმყოფებოდა, ვინიედუს მახლობლად ჩამოვარდა.
შემთხვევის ადგილზე პოლიცია და მაშველები არიან მობილიზებულნი.
ავიაკატასტროფის სხვა დეტალები ამ ეტაპზე უცნობია.
კომენტარები