მოსკოვში ავტობუსის მგზავრებმა 87 წლის პენსიონერს, დმიტრი გრინჩის სცემეს, ტრანსპორტიდან ჩაიყვანეს და პოლიციას ჩააბარეს. თავდამსხმელების თქმით, კაცმა ვაგნერელები მკვლელებად მოიხსენია, როდესაც ავტობუსმა კსკ ვაგნერის მემორიალთან ჩაიარა.
ორმა თავდამსხმელმა პენსიონერი საგზაო საპატრულო სამსახურის უახლოეს სადგურზე მიიყვანა. სამართალდამცავებმა სამივე პირი დააკავეს. მოგვიანებით, პოლიციამ გრინჩი გაათავისუფლა, ხოლო ჩხუბისთავები განყოფილებაში დატოვა. პენსიონერმა ადვოკატის დახმარებით ავტობუსის მგზავრებს თავდასხმისთვის უჩივლა. მათ წინააღმდეგ ხულიგნობის მუხლით საქმეა აღძრული.
გრინჩის თქმით, “არავინ შეურცხვენია” და “უბრალოდ იხსენებდა, რომ 1937 წელს მისი ნათესავები დახვრიტეს”.
“ორნი იყვნენ, 45-50 წლის კაცი შვილთან ერთად, მე კი 87 წლის ვარ. დასანანია, რომ ასეთ ქვეყანაში მომიწია დაბადება, რომელშიც ადამიანებს ადამიანებად არ თვლიან”. – თქვა დაზარალებულმა გრინჩიმ.
პენსიონერის თქმით, თავდასხმის შედეგად ზურგის არეში ტკივილი აწუხებს, ასევე უჭირს სუნთქვა.