რუსეთის კურსკის ოლქის ბოლშესოლდატსკის რაიონში უკრაინულ არმიასთან მოსალოდნელი შეტაკებების ფონზე მოსახლეობის ევაკუაცია გამოცხადდა. ამის შესახებ რაიონის ხელმძღვანელმა ვლადიმერ ზაიცევმა ტელეგრამის საკუთარ არხზე დაწერა.
„ჩვენს რაიონში დღემდე ევაკუაცია არ ყოფილა. ყველა დამოუკიდებლად მიდიოდა, ხელს არავინ უშლიდა. დღეს ჩვენ ყველა იმ ადამიანის მონაცემების შეგროვებას ვიწყებთ, ვისაც ევაკუაცია ესაჭიროება“, – დაწერა მან. ის აგრეთვე აღნიშნავს, რომ რაიონში ბევრი ადამიანია, ზოგს წასვლა არ უნდათ.
ცნობისთვის, 12 აგვისტოს ბელგოროდის ოლქის კრასნოიარუჟის რაიონის მცხოვრებლების ევაკუაცია გამოცხადდა. ბელგოროდის ოლქი კურსკის ოლქის მსგავსად უკრაინას ესაზღვრება.
კომენტარები