ჯერ კამპანიის აქტიურ ფაზაში არ გადავსულვართ და უკვე სამჯერ მეტია „ქართული ოცნების“ მხარდაჭერა ერთად აღებული რადიკალური ოპოზიციის მხარდაჭერასთან შედარებით, – ამგვარად გამოეხმაურა პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, რატი იონათამიშვილი GORBI-ის კვლევის შედეგებს.
„ქართული ოცნება“ იგებს ღირსეულად საქართველოსთვის და საქართველოსთან ერთად. ჯერ კამპანიის აქტიურ ფაზაში არ გადავსულვართ და უკვე სამჯერ მეტია „ქართული ოცნების“ მხარდაჭერა ერთად აღებული რადიკალური ოპოზიციის მხარდაჭერასთან შედარებით. რა თქმა უნდა, ამას აქვს ობიექტური მიზეზები, ვინაიდან „ქართული ოცნება“ არის ორიენტირებული საკუთარ ხალხზე და ქვეყანაზე, მაშინ, როდესაც რადიკალური ოპოზიცია არის ორიენტირებული მხოლოდ არეულობაზე, უპრინციპო, უზნეო დამოკიდებულებაზე მათ შორის, ერთმანეთის მიმართაც. ამიტომ არავის აღარ უნდა გაუკვირდეს, რომ 26 ოქტომბრამდე ეს სხვაობა კიდევ უფრო გაიზრდება და კიდევ უფრო შთამბეჭდავი იქნება ჩვენი ქვეყნის სასარგებლოდ”, – განაცხადა რატი იონათამიშვილმა.
ტელეკომპანია „იმედის“ დაკვეთით GORBI-მ საზოგადოებრივი აზრის კვლევის შედეგები გამოაქვეყნა.
კითხვაზე: საპარლამენტო არჩევნები ამ კვირას რომ ტარდებოდეს, ვის მისცემდით ხმას? მიღებული პასუხების შედეგად, პარტიების პოლიტიკური რეიტინგები ალოკაციით შემდეგნაირად გადანაწილდა:
„ქართული ოცნება“ 59.3%
„ერთიანი ნაციონალური მოძრაობა“ /„სტრატეგია აღმაშენებელი“ 13.1%.
ამ მონაცემების მიხედვით, საქართველოს პარლამენტში 107 მანდატს იღებს „ქართული ოცნება“, ოპოზიციური პარტიები კი ერთად – 43 მანდატს.