პეტონგტარნ შინავატრა ტაილანდის ყველაზე ახალგაზრდა პრემიერ-მინისტრი გახდა, მას შემდეგ რაც მის კანდიდატურას ქვეყნის პარლამენტის წევრების უმრავლესობამ დაუჭირა მხარი. ამის შესახებ Deutsche Welle წერს.
გამოცემის ინფორმაციით, 37 წლის ქალი მილიარდერის და ყოფილი პრემიერ-მინისტრის თაქსინ შინავატრას ქალიშვილია. ტაილანდის პრემიერის პოსტს ასევე იკავებდა მისი ოჯახის კიდევ ერთი წევრი – ინგლუქ შინავატრა.
პეტონგტარნის კანდიდატურა პარტიამ „ფიუ თაი“ მას შემდეგ შეარჩია, რაც სასამართლომ პრემიერი სრეთა თავიზინი თანამდებობიდან გადააყენა.
„ფიუ თაის“ კოალიცია პარლამენტში 493 მანდატიდან 314-ს ფლობს. ახალი პრემიერის კანდიდატურას კოალიციაში შემავალმა ყველა პარტიამ დაუჭირა მხარი.
კომენტარები