ისრაელის თავდაცვის არმიის („ცაჰალის“) ჯარისკაცებმა ღაზის სექტორის ხან-იუნისის რაიონში „ჰამასის“ მიერ გასული წლის ოქტომბერში გატაცებული ექვს ებრაელის გვამი აღმოაჩინეს. ინფორმაცია „ცაჰალის“ ტელეგრამ არხზეა გამოქვეყნებული.
„ისრაელის თავდაცვის არმიამ დაზვერვის სამსახურის წარმომადგენლებთან ერთად ღაზის სექტორის ხან-იუნისის რაიონში გატაცებული იაგევ ბუხშთაბას, ალექსანდრე დანციგის, აბრაამ მუნდერის, იორამ მეცგერის, ნადავ პოპლუელისა და ჰაიმ პერის ცხედრები აღმოაჩინეს“, – ნათქვამია განცხადებაში.
გვამების გამოტანა ზუსტი სადაზვერვო მონაცემების წყალობით მოხერხდა. საიდენტიფიკაციო პროცედურების დასრულების შემდეგ ცხედრები გატაცებულების ოჯახის წევრებს გადასცეს, აღნიშნეს ისრაელის არმიაში.
კომენტარები