ჩეხეთის პრეზიდენტმა, პეტრ პაველმა განაცხადა, რომ უკრაინასა და რუსეთს შორის მიღწეული ნებისმიერი სამშვიდობო შეთანხმება, სავარაუდოდ, არ იქნება სამართლიანი.
პეტრ პაველის თქმით, ამის მიუხედავად, სამართლიანობა მაინც უნდა იყოს მიზანი.
„სამართლიანი მშვიდობა, თუ ჩვენ მას წარმოვიდგენთ 100 პროცენტიდან 0-მდე მასშტაბში, ნიშნავს უკრაინის სრული კონტროლის აღდგენას მის ტერიტორიაზე, მათ შორის ყირიმზე. ეს მოითხოვს, რომ აგრესორმა ომით მიყენებული ზარალი აანაზღაუროს. მაგრამ ეს, ალბათ, ფანტაზიაა, ყველანი ვთანხმდებით“, – აღნიშნა ჩეხეთის პრეზიდენტმა.
„სინამდვილეში, შედეგი ოდნავ განსხვავებული იქნება. [მაგრამ] ჩვენი მიზანი უნდა იყოს რაც შეიძლება ახლოს მივუახლოვდეთ სამართლიან მშვიდობას“, – დასძინა პეტრ პაველმა.
კომენტარები