გერმანელმა სამართალდამცველებმა ქალაქ ზოლინგენში დანით სამი ადამიანის მკვლელობის საქმეზე ერთი პირი დააკავეს. ინფორმაციას BBC ადგილობრივ პოლიციაზე დაყრდნობით ავრცელებს.
პოლიციის ცნობით, ეჭვმიტანილის დაკავება ქალაქ დიუსელდორფში „ჩხრეკის ფარგლებში“ მოხდა. სამართალდამცველები ახლა იმის გარკვევაც ცდილობენ, რა შემხებლობა ჰქონდა დაკავებულს მკვლელობასთან.
ამის მიუხედავად, პოლიცია ჩხრეკის ოპერაციას რამდენიმე ადგილას ერთდროულად აგრძელებს. სამართალდამცველებს მომხდარის მოტივისა და მკვლელობაში სხვა მონაწილე პირების დადგენა სურთ.
თავდასხმა ზოლინგენში გვიან ღამით მოხდა. გავრცელებული ინფორმაციით, ქალაქის 650 წლის იუბილეს აღსანიშნავად გამართულ ფესტივალზე დანით შეიარაღებულმა მამაკაცმა სამი ადამიანი მოკლა, ხოლო რამდენიმე დაჭრა.
კომენტარები