ბანგლადეშის სამხრეთ-აღმოსავლეთით მდებარე ქალაქი ფენი ქვეყნის ისტორიაში ერთ-ერთი ყველაზე ძლიერი წყალდიდობის შედეგებს ებრძვიან. როგორც CNN წერს, ქალაქი, რომელშიც 1.5 ადამიანი ცხოვრობს, თითქმის მთლიანად წყლით არის დაფარული.
„ოთხშაბათის ღამის შემდეგ, წყალმა 11 უბანი დატბორა, რის შედეგადაც 1.5 მილიონიანი ქალაქის დიდი ნაწილი წყალქვეშ მოექცა“, – აღნიშნულია ინფორმაციაში.
გამოცემის ცნობით, ადგილობრივები ტალახიან წყალში გზის გაკვალვას ცდილობენ, რომ უსაფრთხო ადგილას გააღწიონ სახლიდან გამოტანილი ნივთებით ხელში.
„ნავების პოვნის შემთხვევაშიც, ქალაქის ზოგიერთი რაიონი შემაღლებულ ნაწილზეა განაშენიანებული, მათ შორის, სარკინიგზო გზები, რის გამოც, ათობით მოხალისეს ნავების ხელით გადატანა უწევთ“, – წერს CNN.
ზოგი ადამიანი კი, დახმარების მოლოდინში, თავს შენობებს და შემაღლებულ ადგილებს აფარებს.
სოციალურ ქსელებში ვრცელდება კადრები, თუ როგორ ცდილობენ ადგილობრივები სტიქიის ზონის დატოვებას.