“ირანის რეაქცია თეირანში ისრაელის ტერორისტულ თავდასხმაზე კარგად გათვლილი იქნება”

ირანის საგარეო საქმეთა მინისტრმა, აბას არაღჩიმ განაცხადა, რომ ირანის რეაქცია თეირანში ისრაელის ტერორისტულ თავდასხმაზე კარგად გათვლილი იქნება.

„ირანის რეაქცია თეირანში ისრაელის ტერორისტულ თავდასხმაზე შეუცვლელია და იქნება აწონილი და კარგად გათვლილი. ჩვენ არ გვეშინია ესკალაციის, თუმცა ისრაელისგან განსხვავებით არ ვეძებთ მას“, – აღნიშნა ირანის საგარეო უწყების ხელმძღვანელმა.

 

 

ირანის გენერალური შტაბის ხელმძღვანელმა, მოჰამად ბაღერიმ განაცხადა, რომ ირანის პასუხი ისრაელის მიერ „ჰამასის“ ლიდერის, ისმაილ ჰანიეს მკვლელობაზე გარდაუვალია.

„ირანი [თავად] გადაწყვეტს, როგორ და როდის იძიოს შური. წინააღმდეგობის ღერძი შურს იძიებს ისმაილ ჰანიეს მკვლელობაზე. ის, რაც გუშინ ვიხილეთ [„ჰეზბოლას“ თავდასხმა ისრაელზე] შურისძიების ნაწილია“, – აღნიშნა ირანის გენერალური შტაბის ხელმძღვანელმა.