საფრანგეთის პრეზიდენტმა, ემანუელ მაკრონმა გამორიცხა პრემიერ-მინისტრის დანიშვნა მემარცხენე „ახალი სახალხო ფრონტის“ ალიანსიდან და ნაცვლად კონსულტაციების ახალ რაუნდს დაიწყებს.
საფრანგეთის პრეზიდენტის ადმინისტრაციაში განაცხადეს, რომ იმის გაცნობიერებით, რომ მთავრობა, რომელსაც უხელმძღვანელებს „ახალი სახალხო ფრონტი“, პარლამენტში დაუყონებლივ დადგება უნდობლობის გამოცხადების წინაშე, ემანუელ მაკრონი შეხვედრებს გამართავს პარტიის ხელმძღვანელებთან და პოლიტიკურ ლიდერებთან.
მაკრონის განცხადება იმაზე მეტყველებს, რომ ქვეყანაში პოლიტიკური კრიზისის გარდაუვალი დასასრული ჯერ არ ჩანს.
„ახალმა სახალხო ფრონტმა“ უფრო მეტი ხმა მოიპოვა, ვიდრე ნებისმიერმა სხვა პარტიამ და აცხადებს, რომ მისი კანდიდატი, ნაკლებად ცნობილი საჯარო მოხელე ლუსი კასტე პრემიერ-მინისტრად უნდა დასახელდეს.
საფრანგეთის პრეზიდენტის ადმინისტრაციაში განაცხადეს, რომ მაკრონი ფრანგების მხარეზეა და მხარს უჭერს მათ ნებას. მაკრონის გარემოცვაში აღნიშნავენ, რომ პრემიერ-მინისტრს სჭირდება დიდი და სტაბილური უმრავლესობა, რათა თავიდან აიცილოს უნდობლობის გამოცხადება.