აშშ-ის ეროვნული უშიშროების საბჭოს სტრატეგიული კომუნიკაციების კოორდინატორმა, ჯონ კირბიმ დაგმო უკრინაზე რუსეთის საჰაერო თავდასხმა.
„ჩვენ მკაცრად ვგმობთ რუსეთის ომს უკრაინის წინააღმდეგ და მის მცდელობებს, უკრაინელები სიბნელეში ჩაძიროს შემოდგომის მოახლოებასთან ერთად“, – აღნიშნა თეთრი სახლის მაღალჩინოსანმა.
ჯონ კირბიმ ხაზგასმით აღნიშნა, რომ ვაშინგტონი გააგზავნის „ენერგეტიკულ აღჭურვილობას უკრაინაში და გააძლიერებს უკრაინის ენერგეტიკული ქსელის მედეგობას“.
უკრაინის პრეზიდენტის, ვოლოდიმირ ზელენსკის თქმით, რუსეთმა უკრაინის მიმართულებით ასზე მეტი რაკეტა და დაახლოებით ასი დრონი გაუშვა.
უკრაინის პრეზიდენტმა ამ დარტყმას ერთ-ერთი ყველაზე მასშტაბური უწოდა.
უკრაინაზე რუსეთის საჰაერო თავდასხმის შედეგად, შვიდი ადამიანი დაიღუპა, ხოლო 47 – დაშავდა, მათ შორის ოთხი ბავშვი.