ებრაელმა ჯარისკაცებმა ღაზის სექტორში ოპერაციის დროს გაათავისუფლეს ერთი ადამიანი, რომელიც 2023 წლის 7 ოქტომბერს „ჰამასმა“ გაიტაცა და ტყვედ აიყვანა. ინფორმაცია ისრაელის თავდაცვის არმიის („ცაჰალის“) ტელეგრამ არხზეა გამოქვეყნებული.
ინფორმაციის თანახმად, გათავისუფლებული ადამიანი 52 წლისაა. მას ქაიდ ფარჰან ალქადი ჰქვია. ის ისრაელის სამხრეთით მდებარე ქალაქ რაჰათიდან არის.
ამ დროისთვის ქაიდ ფარჰან ალქადი სამედიცინო დაწესებულებაშია გადაყვანილი. მისი მდგომარეობა სტაბილურია. მის ოჯახს უკვე ეცნობა მისი გათავისუფლების შესახებ. სხვა ინფორმაცია ტყვეთა უსაფრთხოებიდან გამომდინარე არ ვრცელდება.
კომენტარები