ხორვატიამ უკრაინას „Dok-ING MV-4“-ის ტიპის განაღმვის რობოტული სისტემები გადასცა. შესაბამისი სერტიფიკატი უკრაინის წარმომადგენლებს ხორვატიის თავდაცვის მინისტრმა, ივან ანუშიჩმა და მწარმოებელი კომპანიის ხელმძღვანელებმა პრაღაში მიმდინარე საერთაშორისო კონფერენციის ფარგლებში გადასცეს.
ხორვატიის თავდაცვის მინისტრის განცხადებით, უკრაინის განაღმვის პროცესს ბევრი დრო და ფინანსები დასჭირდება.
„განაღმვა უზარმაზარი ამოცანაა და აქ საერთაშორისო მხარდაჭერა ძალიან საჭიროა. უკრაინა მარტო არ არის, ჩვენ ვიმუშავებთ ერთად იმდენ ხანს, რამდენიც საჭირო იქნება“, – განაცხადა ანუშიჩმა.
ხორვატიის თავდაცვის მინისტრმა ასევე ისაუბრა 2023 წელს ზაგრებში გამართული დონორთა კონფერენციის შედეგების შესახებაც. მისი თქმით, კონფერენციაზე თითქმის ნახევარი მილიარდი დოლარი შეგროვდა.
კომენტარები