ვენესუელის პრეზიდენტმა ნიკოლას მადურომ განაცხადა, რომ 2024 წელს ქვეყანაში შობა არა 25 დეკემბერს, არამედ 1 ოქტომბერს აღინიშნება.
„ახლა სექტემბერია და უკვე ვგრძნობ შობის მოახლოებას. ამიტომ წელს, პატივისცემისა და მადლიერების ნიშნად, ვაპირებ გამოვცე განკარგულება შობის 1 ოქტომბერს აღნიშვნის შესახებ“, – თქვა მან ტელეეთერის მეშვეობით.
პრეზიდენტმა განცხადება შობის გადატანის შესახებ პროკურატურის მიერ ოპოზიციის ლიდერის, ედმუნდო გონსალესის დაპატიმრების ორდერის გაცემიდან რამდენიმე საათში გააკეთა. მედიაში ვარაუდობენ, რომ ასე მადურო მოსახლეობის ყურადღების პოლიტიკური კრიზისიდან გადატანას ცდილობს.
ეს პირველი შემთხვევა არ არის, როდესაც მადურო შობის თარიღს ცვლის. 2020 წელს, კორონავირუსის პანდემიის დროს მან ამ დღესასწაულის აღნიშვნა 15 ოქტომბერს გადაწყვიტა, ერთი წლით ადრე კი – 4 ოქტომბერს.