ჩეხეთის პრეზიდენტმა, პეტრ პაველმა განაცხადა, რომ ომის დასრულების შესახებ უკრაინის გეგმის შეფასება უნდა მოხდეს და ყველაფერი უნდა გაკეთდეს მიზნების მისაღწევად, მაგრამ არა ნებისმიერ ფასად. ინფორმაციას ამის შესახებ უკრაინული მედია ავრცელებს.
პეტრ პაველი მიიჩნევს, რომ რამდენიმე კვირაში ან თვეში ომის ცალსახა წარმატებით დასრულების იმედი შეიძლება ძალიან სახიფაღო იყოს ყველასთვის.
„მე არასდროს დამიყენებია ეჭვის ქვეშ ის, რომ ჩვენ უნდა დავუჭიროთ მხარი უკრაინას ტერიტორიული მთლიანობის აღდგენაში, რომ ეს არის საბოლოო მიზანი. ჩვენ უბრალოდ უნდა ვიყოთ რეალისტები ამ მიზნის მიღწევის დროსა და საფასურთან დაკავშირებით. უკრაინაში რუსეთზე გამარჯვება უკრაინის მოსახლეობის ნახევრის განადგურების ფასად, ალბათ, გამარჯვება არ არის“, – დასძინა მან.
კომენტარები