ისრაელის თავდაცვის ძალებმა ლიბანში „ჰეზბოლას“ 100-ზე მეტი სამიზნე ობიექტი დაბომბეს.
ოპერაციაში რამდენიმე ათეული სამხედრო თვითმფრინავი მონაწილეობდა.
ისრაელის თავდაცვის ძალებში აცხადებენ, რომ „ჰეზბოლას“ წინააღმდეგ დარტყმების „ფართო“ ტალღას სამხრეთ ლიბანში, ბექაას ხეობაში ახორციელებენ.
ისრაელში ამბობენ, რომ ოპერაციის ფარგლებში იბომბება „ჰეზბოლას“ რაკეტის გასაშვები ადგილები და იარაღის საწყობები.
ლიბანის ჯანდაცვის სამინისტროს ინფორმაციით, ისრაელის ავიაიერიშების შედეგად ქალაქ მაისრაში სამი ადამიანი დაიღუპა, ცხრა კი დაშავდა.
პარალელურად, ლიბანიდან ისრაელის ქალაქ საფედზე სარაკეტო თავდასხმა განხორციელდა.
ქალაქის მიმართულებით 40 რაკეტა ისროლეს. დაბომბვის შედეგად შენობა დაზიანდა.
ისრაელის ტერიტორიის წინააღმდეგ უპილოტო აპარატები გაუშვეს ერაყიდან, რომლებიც გოლანის მაღლობებზე ღია სივრცეში ჩამოვარდა.