ისრაელის თავდაცვითი ძალების გენერალური შტაბის უფროსმა, ჰერცი ჰალევიმ განაცხადა, რომ სამხედროები ლიბანში „ჰეზბოლას“ წინააღმდეგ სახმელეთო ოპერაციისთვის ემზადებიან. ინფორმაციას ამის შესახებ ისრაელური მედია ავრცელებს.
ჰერცი ჰალევიმ ისრაელელი სამხედროების ჯგუფს განუცადა, რომ ისინი შევლენ მტრის ტერიტორიაზე.
„თვითმფრინავების ხმა გესმით, მთელი დღე ვუტევთ [მტერს]. თვითმფრინავები, მთელი დღე ვტევთ. როგორც ტერიტორიის მოსამზადებლად ლიბანში თქვენი შესვლის შესაძლებლობისთვის, ასევე „ჰეზბოლაზე“ დარტყმების გასაგრძელებლად“, – განუცხადა მან სამხედროებს.
„ჩვენ არ ვჩერდებით, ჩვენ ვაგრძელებთ შეტევას. მიზანი არის ძალიან მკაფიო, ჩრდილოეთის დევნილი მოსახლეობის უსაფრთხოდ დაბრუნება. ამისათვის ჩვენ ვამზადებთ სახმელეთო მანევრს. თქვენ შეხვალთ მტრის ტერიტორიაზე, შეხვალთ სოფლებში, რომლებიც „ჰეზბოლამ“ მოამზადა, როგორც დიდი სამხედრო ფორპოსტი ისრაელის მშვიდობიან მოსახლეობაზე თავდასხმების განსახორციელებლად. თქვენ შეხვალთ იქ, გაანადგურებთ მტერს, მის ინფრასტრუქტურას. ეს არის ის, რაც საშუალებას მოგვცემს შემდეგ უსაფრთხოდ დავაბრუნოთ ჩრდილოეთის მცხოვრებლები“, – დასძინა მან.