პოლონეთის პრეზიდენტმა, ანდჟეი დუდამ განაცხადა, რომ რუსეთის პრეზიდენტმა, ვლადიმირ პუტინმა და მისმა გენერლებმა კარგად იციან, რომ ვინც პირველი გამოიყენებს ბირთვულ იარაღს, დაწყევლილი იქნება.
„თუ ამას მშვიდად და პანიკის გარეშე შევხედავთ, ცხადი უნდა იყოს: ის იმეორებს იმას, რაც მრავალი წელია რუსეთის სამხედრო დოქტრინაშია დაფიქსირებული, რომ რუსეთი იტოვებს უფლებას, გამოიყენოს ნებისმიერი საშუალება, მათ შორის, რა თქმა უნდა, ბირთვული იარაღი, რუსეთისთვის საფრთხის შემთხვევაში“, – აღნიშნა პოლონეთის პრეზიდენტმა.
რუსეთის პრეზიდენტმა, ვლადიმირ პუტინმა ოთხშაბათს განაცხადა, რომ რუსეთი იტოვებს უფლებას, გამოიყენოს ბირთვული იარაღი რუსეთისა და ბელარუსის წინააღმდეგ აგრესიის შემთხვევაში, მათ შორის, თუ მტერი ჩვეულებრივი იარაღის გამოყენებით კრიტიკულ საფრთხეს უქმნის ქვეყნის სუვერენიტეტს.