გაეროში ისრაელის ელჩმა, დენი დანონმა განაცხადა, რომ ირანის სარაკეტო თავდასხმაზე ისრაელის პასუხი მტკივნეული იქნება.
„ჩვენ ვიმოქმედებთ. ირანი მალე იგრძნობს თავისი ქმედებების შედეგებს. პასუხი მტკივნეული იქნება“, – აღნიშნა გაეროში ისრაელის ელჩმა.
ისრაელის თავდაცვით ძალებში განაცხადეს, რომ ირანმა ისრაელის მიმართულებით 180 ბალისტიკური რაკეტა გაუშვა.
როგორც ისრაელის არმიაში აღნიშნეს, საჰაერო თავდაცვამ რაკეტების დიდი ნაწილი გაანეიტრალა.
აშშ ასევე მონაწილეობდა ისრაელის დაცვაში, როგორც ირანისგან მომავალი საფრთხის იდენტიფიცირებით, ასევე ზოგიერთი რაკეტის ჩამოგდებით.
კომენტარები