გაეროს გენერალურმა მდივანმა, ანტონიო გუტერეშმა განაცხადა, რომ ის მკაცრად გმობს ისრაელზე ირანის თავდასხმას.
ანტონიო გუტერეშის თქმით, ის ფაქტი, რომ ის ისრაელზე თავდასხმას გმობს, აშკარა უნდა ყოფილიყო მისი წინა განცხადებიდან.
ლიბანში არსებულ ვითარებაზე საუბრისას მან ქვეყნის სუვერენიტეტის პატივისცემისკენ მოუწოდა.
„აბსოლუტურად აუცილებელია ლიბანში ყოვლისმომცველი ომის თავიდან აცილება, რომელსაც ექნება ღრმა და დამანგრეველი შედეგები“, – დასძინა მან.
მანამდე ისრაელი საგარეო საქმეთა სამინისტრომ გაეროს გენერალური მდივანი ანტონიო გუტერეში პერსონა ნონ გრატად გამოაცხადა.
ისრაელის საგარეო უწყებამ ასეთი გადაწყვეტილება მას შემდეგ მიიღო, რაც გუტერეშმა ვერ შეძლო „ერთმნიშვნელოვნად დაეგმო“ ირანის მასირებული შეტევა ისრაელზე.
კომენტარები