ისრაელის თავდაცვის ძალების (IDF) ცნობით, ისრაელის უშიშროების სამსახურ შინ ბეთთან ერთად ჩატარებული ოპერაციით ლიბანში ჰამასის ორი უფროსი წევრი მოკლეს.
IDF წერს, რომ ერთ-ერთი მათგანი საიდ ალაა ნაიფ ალი, მეორე კი მუჰამედ ჰუსეინ ალი ალ-მაჰმუდი იყო, რომელიც ლიბანში ჰამასის “აღმასრულებელ ხელისუფალს” წარმოადგენდა.
“მუჰამედ ჰუსეინ ალი ალ-მაჰმუდი ლიბანში ჰამასის აღმასრულებელ ხელისუფლად მუშაობდა და იუდეასა და სამარიაში ტერაქტებს აწყობდა. პასუხისმგებელი იყო ლიბანში ჰამასის გამაგრებაზე და მას ისრაელის წინააღმდეგ სარაკეტო იერიშებისთვის საჭირო იარაღების მიწოდებისთვისა და მაღალგანვითარებული იარაღის წარმოების მცდელობებისთვის იყენებდა. საიდ ალაა ნაიფ ალი ისრაელის ობიექტებზე ტერაქტებს აწყობდა და ლიბანში ჰამასისთვის წევრების გადაბირებაზე მუშაობდა”. – წერს IDF.
ჰამასის ორი წევრის გარდაცვალება მისმა სამხედრო ფრთამაც დაადასტურა.