თეთრმა სახლმა აშშ-ის პრეზიდენტის, ჯო ბაიდენის განცხადება გაავრცელა 7 ოქტომბერს სამხრეთ ისრაელზე „ჰამასის“ მიერ განხორციელებული თავდასხმის წლისთავთან დაკავშირებით.
„დღეს გლოვის ერთი წელი გავიდა მას შემდეგ, რაც „ჰამასის“ ტერორისტულმა ჯგუფმა 1 200-ზე მეტი უდანაშაულო ადამიანი მოკლა, მათ შორის 46 ამერიკელ. ერთი წელია, რაც 250-ზე მეტი უდანაშაულო ადამიანი მძევლად აიყვანეს, მათ შორის 12 ამერიკელი.“, – აღნიშნა აშშ-ის პრეზიდენტმა.
ჯო ბაიდენის თქმით, 7 ოქტომბერი ასევე შევა ისტორიაში, როგორც ბნელი დღე პალესტინელი ხალხისთვის იმ კონფლიქტის გამო, რომელიც „ჰამასმა“ გააჩაღა ამ დღეს.
„ჩვენ არ შევწყვეტთ მუშაობას ღაზაში ცეცხლის შეწყვეტის შეთანხმების მისაღწევად, რომელიც მძევლებს სახლში დააბრუნებს, გაზრდის ჰუმანიტარულ დახმარებას ადგილზე ტანჯვის შესამსუბუქებლად, უზრუნველყოფს ისრაელის უსაფრთხოებას და დაასრულებს ამ ომს. ისრაელელები და პალესტინელები იმსახურებენ უსაფრთხო, ღირსეულ და მშვიდობიან ცხოვრებას“, – დასძინა მან.