ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ 7 ოქტომბერი ქვეყნისთვის ენით აუწერელი მწუხარების დღე იყო.
„და როგორც არაერთხელ მომხდარა ისრაელის ისტორიაში, სწორედ სირთულის ჟამს ჩნდება დიდი შინაგანი ძალა. ჩვენ ერთად ვიდექით ჩვენი ქვეყნის დასაცავად, სამშობლოს დასაცავად“, – აღნიშნა ისრაელის მთავრობის მეთაურმა.
„ჩვენ მოვახდინეთ უზარმაზარი სულიერი ძალის მობილიზება. ჩვენ განვსაზღვრეთ ომის მიზნები და ვაღწევთ მათ: „ჰამასის“ მმართველობის დამხობა, ყველა ჩვენი მძევლის სახლში დაბრუნება არის წმინდა მისია. ასევე, ღაზის სექტორის მხრიდან ისრაელისთვის მომავალი საფრთხის აღკვეთა და სამხრეთისა და ჩრდილოეთის მოსახლეობის უსაფრთხოდ დაბრუნება საკუთარ სახლებში“, – განაცხადა ბენიამინ ნეთანიაჰუმ.
მისი თქმით, ისრაელი იბრძვის სამყაროში სინათლის მოსატანად, როგორც ხალხი, რომელიც ცდილობს, გაავრცელოს სიკეთე და აღმოფხვრას ბოროტება.
„ვიდრე მტერი საფრთხეს უქმნის ჩვენს არსებობას და ჩვენი ქვეყნის სიმშვიდეს, ჩვენ გავაგრძელებთ ბრძოლას. ვიდრე ღაზაში არიან მძევლები, ჩვენ გავაგრძელებთ ბრძოლას. არ დავნებდები. ვიდრე ჩვენი მოქალაქეები უსაფრთხოდ არ დაბრუნდებიან სახლებში, ჩვენ გავაგრძელებთ ბრძოლას“, – დასძინა მან.