ისრაელის თავდაცვის მინისტრის იოავ გალანტის განცხადებით, დაჯგუფება „ჰეზბოლას“ მოკლული ლიდერის ჰასან ნასრალას მემკვიდრე ჰაშემ საფი ად-დინი სავარაუდოდ ლიკვიდირებულია. ინფორმაციას The Times of Israel-ი ავრცელებს.
„ჰეზბოლა“ – ეს ულიდერო ორგანიზაციაა. ნასრალა ლიკვიდირებულია, მისი შემცვლელი სავარაუდოდ ასევე ლიკვიდირებულია. ეს უდიდეს გავლენას ახდენს ყველაფერზე, რაც ხდება. ვერავინ იღებს გადაწყვეტილებებს, ვერავინ მოქმედებს“, – თქვა გალანტმა.
მისი აზრით, ისრაელის მოქმედებას ახლა მთელი ახლო აღმოსავლეთი ადევნებს თვალს. „როცა ლიბანის თავზე კვამლი გაიფანტება, ირანში მიხვდებიან, რომ მათ „ჰეზბოლას“ სახით ყველაზე ღირებული აქტივი დაკარგეს“, – დასძინა ისრაელის თავდაცვის უწყების ხელმძღვანელმა.
კომენტარები