პარლამენტის თავმჯდომარემ, შალვა პაპუაშვილმა ბრიფინგზე განაცხადა, რომ „გორბის“ კვლევამ კიდევ ერთხელ გამოაჩინა, თუ რატომ არის ძვრები ოპოზიციაში. მისი თქმით, ოპოზიცია ხვდება, რომ 26 ოქტომბერს, საპარლამენტო არჩევნებში დამარცხდება.
„გორბის“ კვლევამ კიდევ ერთხელ დაგვანახა, რომ რატომ არის ძვრები ოპოზიციაში, როდესაც ჯერ ცდილობდნენ გაერთიანებას, რადგან პრობლემები აქვთ, რომ ბარიერი გადალახონ და ხვდებიან, რომ ამ არჩევნებში ისტორიული მარცხი ექნებათ. ის მხარდაჭერა და პროცენტები, რომელიც მათ აქვთ, ესეც კი გასაკვირია. როგორ შეიძლება ხმას აძლევდე პოლიტიკურ ჯგუფებს, რომლებიც აგინებენ ეკლესიას, მხარს არ უჭერენ ოჯახური ღირებულებების კანონს, იმ ძალას, რომელიც ამბობს რომ მზად არის საქართველო შეიყვანოს ომში“, – აღნიშნა შალვა პაპუაშვილმა.
ტელეკომპანია „იმედის“ დაკვეთით საზოგადოებრივი აზრისა და ბიზნესის კვლევის საერთაშორისო ცენტრის „გორბის“ მიერ ჩატარებული კვლევის თანახმად, პარლამენტის არჩევნები ამ კვირას რომ ტარდებოდეს „ქართული ოცნება“ ხმათა 59.5%-ს მიიღებდა.