ისრაელის თავდაცვითი ძალების გენერალური შტაბის უფროსმა, ჰერცი ჰალევიმ განაცხადა, რომ ისრაელი გააგრძელებს „ჰეზბოლას“ წინააღმდეგ ინტენსიურ დარტყმებს.
ჰერცი ჰალევის თქმით, ისრაელის არმია „ჰეზბოლას“ სულის მოთქმის ან ძალების აღდგენის საშუალებას არ მისცემს.
„ცაჰალის“ გენერალური შტაბის უფროსმა ასევე აღნიშნა, რომ „ჰეზბოლა“ დასუსტებულია და ცდილობს დამალოს მისთვის მიყენებული მნიშვნელოვანი ზიანი.
„ისინი განიცდიან მართვისა და კონტროლის სირთულეებს, რაც იწვევს დაბნეულობას გადაწყვეტილების მიღების დონეზე და გამოწვევებს საოპერაციო შესაძლებლობების კუთხით“, – დასძინა მან.
კომენტარები