“არის თითიდან გამოწოვილი აბსურდული ბრალდებები, რომლებსაც არ გააჩნია არანაირი მტკიცებულება და რომელზედაც პროკურატურამ გამოძიება დააანონსა. მიმდინარეობს გამოძიება”, – ამის შესახებ პარლამენტის იურიდიულ საკითხთა კომიტეტის თავმჯდომარის პირველმა მოადგილემ, დავით მათიკაშვილმა განაცხადა, რითაც არჩევნების გაყალბებასთან დაკავშირებულ ბრალდებებს კიდევ ერთხელ გამოეხმაურა.
მისი თქმით, ის ადამიანები, რომლებიც საუბრობენ გაყალბებაზე, არ მიდიან და არ ესაუბრებიან გამომძიებლებს, ანუ ტყუიან.
“მეორე მხრივ, ვხედავთ ოპოზიციას, რომელსაც ჰქონდა აწყობილი სქემა, თუ როგორ მოეპარა ხმები “ქართული ოცნებისთვის“, როგორ მოეპარათ ხმები მთლიანად საზოგადოებისთვის. თითოეულ ფაქტს ჩავყვებით ბოლომდე. ყველაფერს დაერქმევა თავის სახელი“, – განაცხადა მათიკაშვილმა.
კომენტარები